Hallo zusammen

[Milky Way]

Hallo Zusammen,

Bisher war ich nur stille Mitleserin hier. Da ich jetzt aber doch etwas geschrieben habe, stelle ich mich vor.

Ich komme aus der Schweiz und bin seit knappen zwei Monaten stolze Pferdebesitzerin. Ich bin überglücklich, konnte ich mein Traumpferdchen kaufen. Ich kenne sie, seit sie geboren wurde. Nun ist sie ca. 1.5 Jahre alt, und ist auf der Fohlenweide. Sie ist ein Schweizer Warmblut, und wahrscheinlich Sabino.

[/IMG]





Liebe Grüsse aus der Schweiz

[UPPER_CLASS]

Hey Milky Way

Juhu, ich be demfall doch ned de einzig Schwiizer do

Cools Rössli hesch do! Was esch de das för en Abstammig??


Lg usem Aargau

[Milky Way]

Hallo Upper_Class

Ich bin aus dem Kt. Luzern

Die Abstammung, Phu *schäm* Die genaue muss ich nachschauen. Der Vater heisst Chevalier, und der stammt von Cernunnus von Hof und damit von Calando II ab. Auf der Stutenseite ist noch Irco Polo vorhanden.

Wobei mir persönlich die Abstammung nicht viel sagt, ich weiss nur, dass es eine gute Abstammung ist. Ich wollte schon als Kind Mal ein braun geschecktes Pferd haben. Inzwischen war mir die Farbe egal, weil für mich war klar, dass ich bei meinem Reitlehrer ein Pferd kaufen werde, wenn es so weit ist, da er ein Züchter ist. Als dann dieses Fohlen geboren wurde, war natürlich klar, welches mein Traumpferd ist


Liebe Grüsse

[UPPER_CLASS]

Ok, chli esch dWält

Demfall han ich dis Rössli scho als Baby gseh, won ich mol bem Hellmüller be de Stall go aaluege! Het sie au fasch kauft Mer händ no diskutiert, woher denn die Farb chonnt ond kei Lösig gfonde...

Das het aber demfall kei Papier vom ZVCH oder?

[Milky Way]

Jo, de hesch sie au scho gseh. Danke dassd sie ned kauft hesch, ech wär mega truurig gsi. Sie esch mega schüch gsi (zom glöck) aber ergendwie hanis anebrocht, dass ech sie emmer ha chönne alängä. Ha Krankeschwöster glehrt, ha nachem DN1 extra no s DN2 aghänkt, dassi sie ha chönne chaufe. Ha jede obe ghofft, dassi ned verkauft werd.

Darfi froge wieso du sie ned gkauft hesch?

Weiss ned, ha ehri Papier no bim Hr. Hellmüller. Hauptsach, es cha mer sie niemerd me wegneh

[UPPER_CLASS]

hihi, also wörkli welle chauffe hani sie ned, er het mer sie welle ahänke, will ich Pintofan be

Aber jetzt woni die belder gseh, bereuis fascht ächli... Hesch si au em Jura hende?

Jo die cheibe Ross choschtet eifach... aber es lohnt sech jede Franke

Wotsch met ehre denn mol zöchte? Also es farbigs Füli nähmti denn

[Milky Way]

Jojo, ha emmer gwösst, dass er mer ned glaubt, dassi sie chaufe wet. Ha das vom erste Tag ah emmer gseit.... Jo, sie esch im Jura fliessig am Uffalle

Jo, gönschtig esch sie ned gsi, aber bi ehm send alli ross hammer, darom esch mer au jede Franke wert.

Es esch noni definitiv. Es esch abgmacht, dass er es Fülli vo ehre darf ha, wenn er wet. Er chonnt mer deför bi de Usbeldig entgege. Also, s Fülli müesstisch de glich i ehm abchaufe.

Was denksch, wörs es bonts Fohle geh?

Hesch du de glich vo ehm es Fülli kauft?

[UPPER_CLASS]

hihi, naja, Zöchter send halt emmer au Gschäftsmänner

het jetzt dänkt es farbigs chonsch no gönschtig öber... die send jo ned wörkli beliebt sosch...

neinei, ich be go luege, will ich en Platz för mini Zochtstuete gsuecht han, esch aber denn es johr spöter worde ond ich han en andere platz gha denn...

da esch jo mega krass, denn mueschs erschte füli praktisch abgeh...

hmm, chonnt wahrschinli of de hängst druuf a... dFrog esch no, was es eigentli för en farb esch... Roan oder Sabino?? Wie heisst dMuetter scho weder? Esch glaub us de Zocht vom Herzog, kännsch de?

Gets öbrigens sPony no bem Hellmüller? Weiss grad de Name ned...

[Milky Way]

Das met em Fülli esch ned ganz oneigenötz. De chani sie mol för mech lo decke, wenn sie chli älter esch, ond s Chline de för mech bhalte. De hani weder es Ross, wens d Colorina mol nöme geht. Abgeh ned, itusche gege Beritt. Ech be no Afänger, ech chönnt sie onmöglech ällei usbelde, ond es zwoits Ross wetti ned. Mer längät eis, ond es Fülli vo ehre het jo au sin wert, au wenn de Hengst i ehm ghört.

Ha vergesse wie d Muetter heisst. En donkelbruni, ohni Abzeiche (wenig Stechelhoor uf de Stern). Nei de Herzog kenni ned. Ech rite erst set zwoi Johr.

De Nicky, jo de gehts no. Ha grad gester en super Riitstond uf ehm gha.

[UPPER_CLASS]

Genau, de Nicky! Coole siech
Er chonnt ebe au vom Herzog, ha gmeint, dStuete wo das farbige Füli gha het au... Mini Stuete esch ebe au vo dete... Das send die berüehmt, beröchtigte HRH-Ross... Glaub de Pik Ayolo ond de Colombardo send au mol bem Hellmüller gsi... Vellech kännsch die?!

Klar, esch eigentli kei schlächte Deal... Aber vom Härze her hanget mer doch am erschte Füli am meiste Mis erschte chonnt nächste Früehlig, cha der denn meh säge

Wotsch denn ächli in Sport met ehre?

[Milky Way]

Jo, de Nicky, dank ehm hani min Diplomabschloss müesse verschiebe, er het mi eifach in Sand gsetzt ond esch ab. Het nie denkt, dass es ross so schnell defo seckle cha. Tja, mis chnü gspüri höt no.

Nei, die zwoi kenni ned, nor au scho ghört, guet mögli, dassi det gsi send. Dommi frog, was send HRH-Ross?

Ide Colorina ehri Muetter stammt vo de Cleopatra ab.

Wenns Fülli ane guete Platz chonnt, esch das secher keis problem, ech weiss jo vo afang ah, dass ned mer esch. Wenns es ned so guet trefft, heti scho müeh....

De gratulieri scho mol zom vorus.

Wenn echs anebrenge, ufeme Parcour en schöne Rett anezbrenge, denn scho. Aber ebe, ech rite set zwoi Johr, ha erst voreme Johr s Brevet gmacht. Sprenge macht mer sehr spass, aber zerst wetti d Grondlage vo de Dressur behersche, mer esches wechtig, dassi es Ross guet ond fin chan rite. Zom Glöck hani en guete Lehrer.

[UPPER_CLASS]

Hihi, das het er met mer em Gländ osse au scho probiert... Schletzohr! Aber muesch ehn mol longiere, das esch de Hammer!

HRH-Ross send ebe dRoss vom Hans Rudolf Herzog, Gestüt Gnadenthal... Gets aber nöme... De Hellmüller het no vell met dene ztue gha... Han det mol gschaffet (Ferie) ond dorom mis Traumpferd känneglehrt

Ui, denn esch si aber eng zoge of d'Cleopatra... De vater het si sogar 2x denne:

http://www.paardenfokken.nl/pedigree.php?horseid=574798

D'Cleopatra het ebe zor Hälfti sHerzogs ghört...

Hihi, met somene ross wördsch of jede fall uuffalle, also wenn der öppis pinlechs passiert, wösseds nochher alli

[Milky Way]

Be Jetzt grad met em Nicky im Gländ osse gsi. Ech glaube, mer merkt, dass er nöme de Jöngst esch. Er het nor einisch bocket, well er ned het dörfe öberhole bim gallopiere. Er esch super lieb gsi. Met em peitschli cha mer ehn jetzt au mol chli fester atipe hende, ohni dass mer nochher am Bode setzt.

Oh, cool, de Stammbaum. Demfall het sie d Cleopatra nor uf de Vater site. Sie esch nämli nor uf de einte site denne. Aber ebe, ech ha kei Ahnig vo dene Ross, weles jetzt wieso guet esch, dasses denne esch.

Hmm, pinlechi Sache astelle esch eh mis Fachgebiet , grad ide letschte Ritschond. Scholterwendig leks, ond was mach ech, eini uf die rechti site, weli rechts ond lenks verwechslet han.

[UPPER_CLASS]

Hihi, "nor" einisch bocket, er werd wörkli alt Aber demfall werd er jetzt regelmässig bewegt?! Früehner esch er emmer onderforderet gsi...

Muesch denn onbedengt mol de Pass verlang... D'Abstammig esch emmer öppis extrem spannends... Wenn chasch luege, woher zB en gwössi Eigeschaft chonnt, oder ebe dFarb wär do spannend...

*grins* dorom han ich en unuffällige Schimmel, wär nämli au de Kandidat för so öppis... Erste Springprüefig: Abegheit , Zwoiti deför grad klassiert

[Milky Way]

De Nicky esch ide letschte Ziit vell uf de Weid. Ech be glaub im Moment öbe die Einzig wo ehn ritet, ha bis jetzt scho ewigs niemerd andersch meh drofe gseh. Aber ech rite jo no anderi, ond de hani au ned emmer ziit för de Nicky. Vor es paar Mönet hani en echt loschtige Ritt gha uf ehm! Ech stige ide Regel uf, ond neme de bim Igang vom Viereg no en Gerte met.... Nicky het das kapiert....

Woni min Arm usgstreckt han, het er losbocket ond nöme ghört. De esch er im volle Gallop onkontrolliert met mer dors ganze Viereg gsecklet. Leider send no d Spröng ufgstellt gsi, natürli fast zoberst. De liebi Nicky het emmer die grosse Hendernis agstüret, ond ech ha sie die ganz zit agluegt (jo,jo, ech weiss, wie bim Autofahre....), weli ned det dröber han welle. Ahalte esch fast ned mögli gsi. Ergendeinisch hanis doch anebrocht. Also abgstege, Gerte gholt ufgstege, witerbocket.... Det hanis zwar ned so loschtig gfonde, aber ech be ned abegheit.

Jo, ech wet de scho mol alli Papier vo mim rössli ha. D Farb cha ech mer nor met Sabino erkläre. Es het vell Ross, met wisse Bei, breiter Blesse ond wisser onderleppe. Ech fende sie uf jede Fall s schönste Ross wos geht.

Schemmel gfalled mer au, die hend so öbis edels, gena wied Rappe.

Ech be no nie amene Concour gsi. Aber do muessi nochli üebe. Weni scho goh, wetti den au en gueti Figur mache, min. klassiert sie. Aber ebe, zerst mol rechtig riite lehre, bevors so wit esch.